Әбу Наср Әл-Фараби әйгілі ойшыл, философ, социолог, математик, физик, астроном, ботаник, лингвист, логика, музыка зерттеушісі. Ол 870 жылы Фараб қаласында Әскербасының отбасында дүниеге келген. Отырар медресесінде білім алған. Әл-Фараби бала күнінен ғылымға үйір болып өсті.
Әл-Фарабидің шығармашылық мұрасы орасан зор: Ол150-ге жуық философиялық және ғылыми трактаттар жазған.
Әл-Фараби философия саласы бойынша грек ойшылы Аристотельдің "Категориялар", "Метафизика", "Герменевтика", "Риторика", "Поэтика", бірінші және екінші "Аналитика", "Топикасы" және т. б көптеген еңбектеріне түсініктемелер жазды.
Әл-Фарабидің еңбектері күні бүгінге дейін өз мән-маңызын жоғалтқан жоқ. Әл-Фарабидің мемлекет, ел басқару жөніндегі тұжырымдары, әлеуметтік-этикалық саяси көзқарастары бүгінгі қоғам үшін де айрықша маңызды