Как называется икона? Какой молитвой к ней обращаться?

Икона Божией Матери «Скоропослушница» (греч. Γοργοεπεκοος — Горгоэпекоос) . Написана на Святой горе Афон и хранится в монастыре Дохиар. Празднование — 9 (22) ноября.
Тропарь
К Богородице притецем, сущии в бедах,
и ко Святей иконе Ея ныне припадем,
с верою зовуще из глубины души:
скоро наше услыши моление, Дево,
яко скоропослушница нарекшаяся:
Тебе бо раби Твои в нуждах
готовую помощницу имамы.
Молитва
О, Пресвятая Дево, Мати Господа вышняго, Скоропослушная заступнице всех, к Тебе с верою прибегающих! Призри с высоты небеснаго величия своего на мене непотребнаго, припадающаго к иконе Твоей, услыши скоро смиренную молитву мене грешнаго и принеси ю к Сыну своему: умоли Его, да озарит мрачную душу мою светом Божественные благодати Своея и очистит ум мой от помыслов суетных, да успокоит страждущее мое сердце и исцелит раны его, да вразумит мя на добрая дела и укрепит работати Ему со страхом, да простит вся содеянная мною злая, да избавит вечные муки и не лишит небеснаго Своего царствия. О преблагословенная Богородице: ты благоизволила еси нарещися во образе своем Скоропослушница, повеливающи всем притекати к тебе с верою: не призри убо мене скорбнаго и не попусти погибнути мне в бездне грехов моих. На Тя по Бозе все мое упование и надежды спасения, и твоему покрову и предстательству поручаю себе во веки. Аминь.