срочно нужен перевод текста на латыни
De Romŭlo et Remo, Romae conditorĭbus
Titus Livius, clarus scriptor Romanōrum, in libris suis, qui «Ab Urbe condĭta» appellantur, fabŭlam de Romŭlo et Remo, Romae conditorĭbus, narrat. Numĭtor, rex Albae Longae, ab Amulio, fratre suo, regno privātur. Amulius quoque nepōtes Numitōris Romŭlum et Remum in flumĭne demergĕre jubet, sed ministri regis ei non parent et puĕros parvŭlos in flumĭnis ripa ponunt. Ibi lupa puĕros invĕnit et nutrit. Postea Romŭlus et Remus a Faustŭlo, pastōre regio, et ab ejus uxōre educabantur. Ităque puĕri paulātim adolescēbant. Paulo post Faustŭlus fratrĭbus Romŭlo et Remo veritātem apērit, et fratres Amulium occĭdunt et regnum Numitōri avo reddunt. Romŭlus autem postea rex civitātis fit et condit urbem novam haud procul a loco, ubi lupa eos nutriēbat. Eam urbem a suo nomĭne Romam appellat.