Не могу найти перевод даного текста прошу пожалуйста кто разбирается перевидите данный текс))) буду благодарен

Ун дүрт-ун биш йәштәр самаһы булғандыр, ҡапылдан
гына Заһиҙәне юҡһына башланым. Апайымдар иҫкә
төшөп тә ҡарамай, ә күрше ҡыҙының ҡыйғас ҡара ҡаш-тары менән ҡара күҙҙәре, оҙон толомдары, алһыу йөҙө
һәр саҡ күҙ алдымда. Хатта төштәремә кереп йөҙәтә баш-
ланы. Уның йөҙ-һынын күҙ алдымдан ҡыуалап та ҡара-
маҡсымын, ләкин бушҡа -- ҡайҙа ғына булмайым, ул
мине эҙәрлекләй. Уҡыған сағымда уның йылмайған,
яғымлы ҡарашын бер күреү өсөн ялымды еткера алмай
этләндем… Ә каникулдарымда уның буй-һынын алыҫтан
булһа ла күреп ҡалыр өсөн эшкә киткәнен һаҡлап иртүк
йоҡонан торһам, кис ҡайтырын көтөп ваҡыт уҙғара
алмай ары-бире һуғылдым. Йөрәгемдә ҡайнаған, үҙем дә
аңламаған күрше ҡыҙына булған хистәр үҙемсә шул
тиклем көслө ине. Уны башҡаларға, бигерәк тә үҙенә,
белдереп ҡуймайым тип, бар тырышлығымды һалдым.
Элек апайҙарымдай күреп, шаярып-көлөшөп, һөйләшеп
йөрөгән кеше, хәҙер килеп уның алдындауыҙ асып һүҙ
әйтергә лә тартындым, ул һүҙ ҡушһа, ни эшләргә белмәй
ҡыҙарып бүртендем. Ҡыҙҙар күңеле һиҙмәй буламы ни?!
Бер саҡ ул тотто ла: «Ғәйфи, ни булды һиңә, әллә берәй-
һенә ғашиҡһың инде?!» -- тип көлдө. Эйе, ғашиҡ инем.
Тик башҡаларға түгел, үҙенә. Класыбыҙҙа ла, башҡала-
рында ла күңелгә ятышлы һылыу ҡыҙҙар етерлек ине.
Ләкин кем уйлаған үҙеңдән күпкә өлкән күрше ҡыҙына
үлеп ғашиҡ булырмын тип. Һөйләһәң, кеше ышанмаҫ!
Тот та үҙенә әйт тә бит һуң!