Помогите с переводом с Латыни на русский

De ossibus in genere

Figura ossium diversa
est. Sunt enim: a) plena, seu lata, quae constant duobus solidis et compactis
fereque vitreis laminis seu tabulis, externa et interna atque intermedia
substantia cellulosa seu reticulari, quam diploёn
vocant; b) longa, seu cylindracea, quae externam crustam (seu corticem) habent
solidiorem et densiorem, magisque compactum, intus vero in extremis reticulata
sunt aut spongiosa et in media parte (si maxillam inferiorem et costas
exceperis[1]),
cava medullaeque plena; c) crassa, in quibus etiam substantia, reticula inter
se nexa aequans, vel spongiosa duriore vel solidiore cortice obducta est; d)
composita, seu mixta, quae ex latis et crassis coniuncta sunt.

(Х. И. Лодер)

De musculis

Myologia est doctrina de musculis, docens eorum fabricam, originem,
insertionem seu finem, situm, actionem et usum.

Musculus est instrumentum motus. Dividitur musculus in corpus, etiam
ventrem et duas extremitates.

Extremitas, ubi musculis oritur, caput, principium, origo sive etiam
punctum fixum appellatur; finis vero cauda, punctum mobile et saepissime tendo
dicitur: qui si membranaceus et latus, aponeurosis audit.

(Л. Гейстер)

[1]
Futurum II от глагола excipio.
Перевести формой будущего времени.