Помогите перевести текст с казахского на русский.
Нарық деген не? Ол бұрын – соңды біздің елде зерттелмегендіктен, оның мәнін қате түсіну біздің әдебиеттерде жиі кездеседі . Себебі, нұсқау - бөлу әдістеріне негізделген басқару жүйесі жағдайында нарық мәселелері тиісті ғылыми – зерттеу пәні бола алмады . Осыған байланысты нарықтың бірнеше анықтамасын келтірейік .
Нарық – бұл өндіріс факторларын немесе оның нәтижелері мен шарттарын айырбастауға болатын өндірістік қатынастардың белгілі бір бөлігі немесе жүйесі .
Нарық – бұл сатушылар мен сатып алушылар арасындағы тауар мен қызмет қатынастардың жиынтығы .
Келтірілген көзқарастар жеткілікті түрде дәлелді, бірақ мәселенің бір жағын ғана қамтиды. Яғни нарықты айырбастың категорясы, ал нарықтық қатынастардың субъектісі – өндірушілер мен тұтынушылар емес, сатушылар мен сатып алушылар деп көрсетеді. Шын мәнінде тауар – ақша, нарықтық байланыстар сату – сатып алумен шектелмейді. Бұл жерде басымдылық айырбас пен айналыс саласындағы қатынастарға емес , өндірісте болатын қатынастарға тиісті болуы керек, себебі жерде ғана өнім жасалады және оның тауарға айналуын сипаттайын экономикалық байланыстар пайда болады.
Нарықтық механизмде шаруашылық субъектілерінің ешқайсысы шаруашылық мәселелерді алдын – ала, саналы түрде шешумен айналыспайды. Бұл мәселелер өте қарапайым түрде шешіледі: тауар өндірушілер мен тауар тұтынушылар нарықта кездеседі, сөйтіп, өндірістің көлемі мен бағасын анықтайды. Басқаша айтқанда, нарықтық әдіске негізделген экономикада өндірушілер мен тұтынушылар нарық арқылы экономиканың өзекті үш мәселесін шешу мақсатында әрекет етеді.
Не өндіру керек? Бұл жағдайда тұтынушы бір немесе басқа тауарды сатып алуды талдау арқылы өз белсенділігін білдіреді. Егер тұтынушы белгілі бір тауарлар түрін көп сатып алса, онда оған баға өседі. Бағаның артуы тауар өндірудің көбеюін ынталандырады.