Нужна помощь в переводе латинских текстов

DE IOVE
Domĭnus Romāni multos deos colēbant. Domĭnus coeli et terrae erat Iuppĭter. Poētae Graeci Iovem patrem deōrum hominumque vocābant. Et dei et homĭnes Iovem timēbant. Iuppiter in Olympo habitābat. Is cum fratrĭbus mundum gubernābat. In tutēla Iovis praecipue reges erant. Iuppĭter auctor erat legum humanārum. Fratres Iovis erant Neptūnus, Pluto, sorōres Iuno, Ceres, Vesta. Bestiae nonnullae deis sacrae erant, ut aquĭla Iovi, pavo Iunōni, equus Neptūno. Ex arborĭbus olīva Minervae, Apollĭni laurus, Plutōni cupressus sacra erat.
DE ACHILLE
Celĕber est Achilles, filius Pelēi regis et Thetĭdis deae. Achilles particeps belli Troiāni erat. Celĕbre est scutum, celebria sunt arma Achillis. Et scutum et arma ei Hephaestus ille fabrĭcat. Celĕbris est celerĭtas Achillis. Celeritāte suā incredibĭli et magno corpŏris robŏre Achilles Troiānis terribĭlis erat. Ira Achillis Graecis perniciōsa erat. Mors Patrocli, eius amīci, Achilli dolōres acres dat. Propterea Achilles Hectŏrem ad pugnam provōcat et virum fortem necat.
DE TANTĂLO
Tantălus, Iovis filius, rex Phrygiae, carissimus erat omnibus deis atque ad epŭlas eorum invitabatur. Sed tantam felicitatem sapienter conservare nesciebat. Nam superbiā quādam impulsus omnia deorum consilia, apud Iovem audita, hominibus aperiebat. Propter id scelus in Tartăro aeternis cruciatibus punītus est. Nam apud infĕros in aqua stans semper sitit et pulcherrimos fructus videns perpetuo esŭrit. Ubi enim aquam biběre parat, ea recēdit; ubi autem fructum captat, rami vento amoventur. Ne dormire quidem misĕro licet, nam capiti eius saxum ingens impendet, cuius ruīnam semper timet. Talia de Tantalo poētae antīqui tradunt.
DE LACEDAEMONIIS
Philippus, Macedōnum rex, Lacedaemoniis scripsit: «Si in Laconiam venĕro, finibus vos exturbābo». Lacedaemonii rescripserunt: «Si».